Riengzdwk mbwn ciemh ngoenz ciemh ndat, nyungz hix ciemh ngoenz ciemh lai lo. Mbouj noix gyadingz hainduj diemj yiengnyungz daeuj oenq nyungz. Conhgyah daezsingj naeuz, ciengzgeiz diemj yiengnyungz oenq nyungz yungzheih hawj nyeznomj yaeuhfat baenz ae’ngab.

Conhgyah caemhcaiq daez- singj naeuz, rug gaeb rug iq wng caenhliengh noix diemj yieng- nyungz, mboujnex gij hoenz de sanqhai le yungzheih hawj vunz yaeuhfat baenzae caeuq aek mwnh daengj fanjying; nyeznomj、boux ndang yungzheih hwnjnwnj、boux baenz ae’ngab gvaq ceiq ndei mbouj diemj yiengnyungz, gaij yungh venj riep daeuj dingjlawh. Linghvaih, vih mienx deng baenz ae’ngab, ciengeiz gaej bae lumh mameuz、vafaenj、youzcaet daengj doxgaiq.