Daxmeh gou mbouj sang mbouj daemq, louz byoem raezrangh, fouq lwgda de ndongqliklik, bingzseiz raen vunz cungj dwg riunyumnyum. Youq ndaw gyoengqvunz, mwngz gojnaengz mbouj dwg mbat yawj couh yawjraen de, danhseih youq ndawsim gou, daxmeh gou ceiq gyaeundei, de dwg boux daxmeh ceiq unqswnh、ceiq ak ndeu.

Daxmeh gou dinfwngz gig lingzgiuj, de siuqveh ndei raix- caix, gij doenghgo doenghduz de siuq haenx couh lumj lix ityiengh. De gig gyaez caeuq bouxwnq itheij yiengjsouh gij vaiqvued de, de ciengzciengz dawz gij siuq swhgeij soengq hawj caencik baengzyoux. Daxmeh gou hix gig gyaez seuqset, moix ngoenz cungj baet ndaw ranz ndaej seuqsag, gij deihbanj gwnz laeuz uet ndaej rongh lumj gingq ityiengh, ndaej ciuq ok ngaeuzvunz daeuj.

bingzseiz, daxmeh ciuqgoq gij gwndaenj gou gig ndei. Moix ngoenz banhaet, daxmeh cungj dwg gig caeux couh hwnqcongz bang gou cawj haeuxcaeux, vihliux mbouj hawj gou deng nit, de lij bang gou bwh ndei buh dem. Youq hagsib fuengmienh, daxmeh doiq gou iugouz gig yiemz, gou miz gijmaz vwndiz mbouj rox, de naihsim gangj hawj gou dingq, itcig gangj daengz gou rox cij dingz. Moix baez gou gauj ndaej cingzcik ndei, daxmeh angqhoho, dangh- naeuz gou gauj ndaej mbouj ndei, de hix mbouj ndaq gou, dauq dwg mbouj dingz gujli gou.

Neix couhdwg daxmeh gou, boux daxmeh gvansim gou、doiq gou iugouz gig yiemz ndeu! Gou gyaez daxmeh gou!

（指导老师：陈美设）