Youq “roekit” ciet lwgnyez daeuj daengz gaxgonq, Gveigangj Si Cinzdangz Gih gij hagdangz Cuengh Gun song vahsaw sonhag haenx youq Gujsanh Siujyoz gawjbanh hozdung, angqhoh “roekit” ciet lwgnyez. Cinzdangz Gih mizgven bouxlingjdauj、Mungzgungh Yangh Cunghsinh Siujyoz bouxlingjdauj、bouxfucwz gak aen hagdangz Cuengh Gun song vahsaw、 hagseng caeuq mbangj vunzranz hagseng gungh 600 lai vunz camgya hozdung.

Baez hozdung neix cawjdaez dwg “siengjmuengh Cungguek gou·lwgnyez angqyangz muengh ngoenzcog”, hozdung neiyungz miz: Doxdax ciengq diuz go minzcuz ndeu; doxdax gangj aen gojgaeq Vahcuengh ndeu; doxdax guh yiengh hong dinfwngz ndeu; doxdax ingj mbaw siengq ndei ndeu; doxdax sij fuk suhfaz ndeu. Hozdung neiyungz lai cungj lai yiengh, ndeiyawj raixcaix, baijok le gij hong ak Cuengh Gun song vahsaw sonhag Gveigangj Si. Ginggvaq gyoebhab bingzbeij, Mungzgungh Yangh Gauhcan Siuj- yoz aeundaej daih’it mingz, Guj- sanh Siujyoz caeuq Sinhlingj Siuj- yoz baenbied aeundaej daihngeih daihsam mingz.

Hagdangz gawjbanh doengh gij hozdung neix, hawj aen bingzdaiz ndeu hawj hagseng baijyienh gij dungxcaiz swhgeij, daezsang hag- seng simjgyaeu naengzlig caeuq yinzvwnz suyangj, coicaenh hagseng cienzmienh fazcanj. Hix ndaej demlai lienzhab gij gamjcingz doengh aen Cuengh Gun song vahsaw hagdangz haenx, fungfouq saeseng swnghhoz, coicaenh hong minzcuz vwnzva gensez ndaw hagdangz ndaej fazcanj.

(Huz Bangjhangz/胡榜航）