Geij ngoenz gonq, Yungzsuij Myauzcuz Swciyen bouh dungvaben daih’it aeu Vahmyauzcuz boiqyaem heuhguh《Byaimuenzdaeng》youq Yungzsuij Myauzcuz Siujyoz sawq cuengq lo, gyoengq nyez Myauzcuz gig maij yawj.

Bouh dungvaben《Byaimuenz- daeng》neix dwg bouh cozbinj daeuz aeu vwnzva Myauzcuz guh daez, youz Gvangjsih Densidaiz Gunghgung Binzdau Dungman Cicozbu ingjguh、Yungzsuij Myauzcuz Swciyen Myauz- yingj Fuzvubu Vahmyauzcuz Boiq- yaemcuj fanhoiz.《Byaimuenzdaeng》ciuq gojriuz ndawbiengz Myauzcuz daeuj gaijbien, gangj le cit gojgaeq gvendaengz dahsau gveijgvaiq vabeghab heuhguh Meijhoz caeuq daegmbauq Myauzcuz heuhguh Duhlinz dingj gveijgvaiq rinnyaz. Ndaw bouh dungva neix yiengh- siengq vunz yienhda, dungcoz gvaqmauh youh dwggyaez, bouxboiq yienj yienghnyezoiq dwggyaez dangqmaz, caiq gya Vahmyauzcuz depgyawj vunzlai, neix gig ndei dwk sonyinx gyoengq nyez Myauzcuz.

Ciuq cam rox, bouh dungvaben neix youq 6 nyied 2 hauh daengz 14 hauh moix haemh 18:00 youq Gvangjsih Densidaiz Gunghgung Binzdau book.

(Fung Sauswh/凤绍师 Veiz Yungzcinh/韦荣春)