●6 nyied 2 hauh lajbyongh- ngoenz, Swcigih Minzyijveij lienz- hab Nanzningz Si Minzveij、Minz- yijveij gyoebbaenz diuyenzcuj, bae daengz Lungzanh Yen Gyauzgen Cin Dingzloz Cunh Gvangjbocan、Lungzanh Yen Densidaiz diuyenz gij cingzgvang haibo lanzmuz gvangjbo densi Vahcuengh.

(Ouh Caijfangh)

●6 nyied 6 hauh, 2000 lai vunz comz daengz Ningzmingz Yen Mingzgyangh Cin Anhmaj Cunh camgya cietfwenbo, yienhciengz gig nauhyied. Ciuq cam rox, daj liggaeuq sam daengz haj nyied, aen yienh neix gungh miz 88 aen cunh(mbanj) gvaq cietfwenbo.

(Couh Yizgangh)

●6 nyied 2 hauh, Swhyenz Yen 2015 nienz lajmbanj yezyiz vwnzyidui vwnzyi comzyienj youq ndaw yienh Cehdenz Myauzcuz Yangh Siujdi Cunh hainduj lo. Baez comzyienj neix, Swhyenz Yen Vwnzdijgiz comz Cehdenz Myauz- cuz Yangh Yezyiz Vwnzyidui、Cunghfungh Yangh Yezyiz Vwnz- yidui、Gvahlij Yangh Yezyiz Vwnzyidui daengz 13 aen yangh (cin) vwnzyidui camgya.

(Lij Bwnjyen)

●Daj 4 nyied ndawnyieb daeuj, Denzyangz Yen Yifung Cin Luzvei、Bahmiu、Sangcin、Cangz- gauh、Nwngzdai daengj cunh doenghgij ranz ndaem mak faenfaen dawz makdauzyouz bae haw gai, ndaej demlai souhaeuj. Ndawde Nazgungh、Bohdungh daengj mbanj doenghgij ranz ndaem makdauz- youz lai de bineix gai makdauz souhaeuj mauhgvaq 10000 maenz, souhaeuj mbouj loek.

(Vangz Gozsun)

●Daj bineix daeuj, Denh- dwngj Yen roengzrengz gaijbienq canjyez gezgou nem gunghyez ginghci hwngfat mozsi, haenqrengz guh ndei hong roengzngaenz、bwhguh nem swnghcanj gven- daengz gunghyez hanghmoeg hung, coicaenh gunghyez ginghci gaij- bienq gezgou nem mungjgvangyez bienq hwngfat fuengsik. 1 daengz 4 nyied, daengx yienh gij gunghyez baenz gveihmoz doxhwnj de cungjcanjciz 8.09 ik maenz.

(Vangz Lilanz)