Yenzliuh: Duz gaeq ndeu(daih’iek 4 gaen), 20 gwz duhhenj, lwgmanh nding、coeng、hing gep、meiqhaeux、gyu、veicingh gak di he.

Guhfap: (1) Swiq gaeq seuq ronq baenz gaiq, log raemx bwh yungh; (2) Dwk youz roengz rek, caiq dwk coeng、hing gep cauj le daek hwnj, leuxle dwk nohgaeq、meiqhaeux roengz fan cauj yaep ndeu; (3) Dwk duhhenj roengz, gya habliengh raemx, caiq dauj coeng、hing gep caeuq dwk gyu roengz, cawj goenj le, gaij yungh feiznumq oemq diemj buenq cung, cawz ndokgaeq ok.

Meih byaek neix yingzyangj lai, beij yungh duhhenj aeuq daezmou danjgucunz hamzliengh noix, hab bouxcungnienz caeuq bouxlaux nem boux hezcij sang gwn.

Linghvaih, duhhenj aeuq nohgaeq gwn ndaej bouj danbwzciz, gij goengyauq daezsang menjyizliz de lai sang baenz boix.