Ranz gou ciengx miz duzma duzmeuz duzbit duzgaeq caeuq duzdouq，ndawde gou ceiq gyaez duzdouq hau iq lo.

Yawj，de daengx ndang hausaksak，lumj daenj geu buhmienz hausak nei，dwggyaez raixcaix. Rwz duzdouq youh raez youh hung，rwz duzdouq gig singj, mbat dingqnyi sing yiengj， aenrwz couh daengj hwnjdaeuj lo. Da duzdouq hoengzfwdfwd，lumj song naed cawhoengz cang youq ndaw gyaeujhau nei，ndongqliklik. Bak duzdouq mbat hai mbat haep，mizyinx raixcaix. Ganaj duzdouq dinj，galaeng raez，byaij roen saetsaet diuqdiuq，daj gyae yawj，caen lumj aen giuzyungz hau youq gwnz dieg ringx bae ringx dauq，gig dwggyaez! Diuzrieng duzdouq dinjded，bwnyungz lumj aen giuzyungz iq nei，gig ndeiyawj. Duzdouq hau gwn byaekheu﹑byaekhau, ceiq maij gwn dwg lauxbaeg. Moix baez gwn imq le，douqhau couh laep da hoet seiq ga hwnjdaeuj boemz youq gwnz dieg lumj aengiuz nei，ninz ndaej cwxcwx caihcaih.

Mwngz naeuz，duzdouq ranz gou dwggyaez lwi？

（指导老师：黄 瑜）