Bineix youq ngoenzciet “sam nyied sam” Bouxcuengh yaek daeuj daengz seizde, Sanglinz Yen Dangzhungz Yangh Cunghsinh Siujyoz youq 4 nyied 17 hauh banhaet, youq Sizmwnz Siujyoz gawjbanh 2015 nienz “sam nyied sam” siujhagseng byauhcunj Vahcuengh gangj goj- gaeq doxdax. Gawjbanh mbat hozdung neix dwg vihliux angqhoh ngoenzciet “sam nyied sam” Bouxcuengh raeuz, fungfouq gij hagsib swnghhoz ndaw hagdangz Cuengh Gun song vahsaw, gikfat hagseng caengaenh vahcoj, ce goek Bouxcuengh, maij doegsaw, angq doegsaw, dajcauh heiqfaenh ndei song sawvah sonhag, hawj hagseng Bouxcuengh daezhawj aen ciengz- dieg baijok bonjsaeh swhgeij ndeu, coicaenh gij hong Cuengh Gun song sawvah sonhag fazcanj.

Sizmwnz Siujyoz dwg aen hagdangz son Cuengh Gun song sawvah ceiq ak ndeu. Lai bi daeuj, hagseng aen hagdangz neix camgya Sawcuengh gak cungj doxdax cungj aeundaej cingzcik maenhndei.

Youq mwh doxdax, gyoengq boux senjsouj yungh sim gangjgoj, yungh byauhcunj Vah- cuengh、go Bouxcuengh hawj vunzlai gangj le gij gojgaeq Bouxcuengh gamjdoengh vunz haenx, ndaej daengz daihgya maengxangq bekfwngz haenhndei. Baez doxdax neix gungh bingz ok caet boux itdaengj ciengj, caet boux ngeihdaengj ciengj, gouj boux samdaengj ciengj.

(Fanz Gvanghminj/樊光敏)