Daj 2011 nienz daeuj, Libuj Yen yaenqfat《Aen Yigen Gvendaengz Caenh’itbouh Gyagiengz Guh Hong Minzcuz Libuj Yen》, dingh le gij cienzngaenz yienh gaep fazcanj nem guh hong saujsu minzcuz. 2011 nienz dingh gij cienzngaenz yienh gaep cienmonz fazcanj saujsu minzcuz 20 fanh maenz, cienzngaenz hawj yienh minzcuzgiz guh hong minzcuz 8 fanh maenz, cienzngaenz hawj Bujluz Yauzcuz Yangh guh hong minzcuz 8 fanh maenz. Dingh nem anbaiz gij cienzngaenz neix, moix bi ndaej yungh daeuj coengh vunz nem dieg saujsu minzcuz gaijgez nanzdaez, neix daejyienh le dangj nem cwngfuj gvensim nem bangcoengh vunz nem dieg saujsu minzcuz, neix ndaej haujlai vunz saujsu minzcuz haenhndei. Bineix, Libuj Yen vih caenh’itbouh guhndei nem caezcienz gij gihci hawj cienzngaenz fazcanj saujsu minzcuz gyalai, aen yienh neix gietdingh moix bi gyalai 5%, neix doiq coicaenh dieg minzcuz ginghci fazcanj gig mizyungh.

(Ciengj Yi/蒋毅 Yangz Sinh- cenz/杨新全)