●Vihliux caenh’itbouh sawj Nanzningz Si minzveij hidungj daez- sang suijbingz guh hong guenjleix minzcuz ginghci, guenj ndei yungh ndei cienzngaenz fazcanj saujsu minzcuz, 5 nyied 21 hauh, Nanzningz Si Minzveij youq Binhyangz Yen gawjbanh 2015 nienz daengx si minzveij hidungj saujsu minzcuz ginghci gunghcoz guenjleix beiz- yinbanh. Daengx si 12 aen yienh(gih) minzcunghgiz gizcangj nem doengh- boux rapdawz hong guenjleix saujsu minzcuz ginghci camgya beizyin.

(Vangz Sinhyungz)

●5 nyied 20 hauh, Yungzsuij Myauzcuz Swciyen Dalang Cin Sanglij Cunh 180 lai boux vunzmbanj youq gyawj ranz camgya nungzyez canjyezva saedyungh gisuz beiz- yinbanh. Ndaw yienh gohgigiz doenghboux nungzyez gisuzyenz son- gyauq baenzlawz dajndaem、dwk- bwnh、 ganq ndei manhdaengj- mbwn、lwgbiek daengj doenghgij nungzcozvuz yungh seizgan dinj、roengzcienz noix、soundaej vaiq, baengh neix daeuj daezsang daj- ndaem suijbingz, coengh nungzminz ndaej laisou.

(Yangz Baujanh)

●5 nyied 19 hauh, Bouxcuengh Ngeih Yienz Ndokmax Hezvei Nem Daih’it Baez Daibyauj Daihhoih youq Dwzbauj Yen hai, neix hauh’ok hongsaeh henhoh swnjcienz nem hwngfat gij yisuz ngeih yienz ndok- max Bouxcuengh ndaej hwnj mbaek moq.

(Nungz Yungjfang)

●5 nyied 15 daengz 18 hauh, Cungzcoj Si Gyanghcouh Gih Minz- cuzgiz、Minzyijban youq Gyanghnanz Yizsiuj guh hozdung dawz Fwen- cuengh haeuj hagdangz. Baez neix cingj ndaw si boux govuengz Veiz Ci daeuj hwnjdangz, cujyau sonhag ciengq go couxhek Bouxcuengh、go soengqhek; hag diuq fouxcienzleij, gungh miz 50 lai boux hagseng camgya.

(Veiz Veigenh)

●5 nyied 18 hauh, Vanzgyangh Mauznanzcuz Swciyen aen hangh- moeg gunghcwngz“Ginhyi Giuz- ndojfwn”cingqsik haigoeng. Hangh- moeg cungj menciz 18112 bingz- fanghmij, giuz raez 108 mij, gvangq 22 mij. Aen hanghmoeg neix gungh roengzngaenz 1.3 ik maenz.

(Veiz Vwnjbangh)