Ginhsiu Yauzcuz Swciyen miz Cazsanhyauz、Auyauz、Banzyauz daengj 5 nga Yauzcuz caemh youq, gak nga vahgangj、fungsug nem ndangdaenj mbouj doxlumj. Gyoengq minzcuz neix ndangdaenj saek ndeiyawj, doz lai gyaeundei, haujlai hekyouz gig maij gij ndangdaenj neix. 2014 nienz,“ndangdaenj Yauzcuz Ginhsiu”ndaej bingzguh swcigih gaep feihvuzciz vwnzva yizcanj. Dangqnaj, gij ndangdaenj gak nga Yauzcuz de moix dauq 3000 maenz daengz 8000 maenz, youq ndawbiengz gai ndaej yied daeuj yied lai. Gyoengq mehmbwk Yauzcuz ndaw yienh neix leihyungh seizhoengq nyibguh nem dajsiuq ndangdaenj minzcuz, caemhcaiq gai bae, neix hawj gyoengqde ndaej laisou haemq lai, hawj haujlai mehmbwk Yauzcuz youq ranz couh ndaej laisou.

(Gauh Yuzginh/高如金)