Sai: Aeu faenh gou soj damz

Dangq doengz(luengz) hamh dietding

Couhlumj daeg Cungq Gingh

Bae mbiengjim(mbiengjyaem) dox- riengz

Song mbiengj cix miz sim

Bya cek cinh(cungj) mbouj sanq

Aeu faenh gou soj damz

Dangq doengz hamh dietding

Niemh doenghbaez hwnjdaeuj

Yaek baenz lawz vit sim

Couh lumj daeg Cungq Gingh

Bae mbiengjim doxriengz

Mbwk:Gangj coenz liux daeuj daengz

Rongh mbouj raen najbyak

Daengngoenz miz ciuq bak

Gou yaek rap gaxgonz

Du Cibniengz raw ga

Guh dwk gah(gag) diuq daemz

Gangj coenz liux daeuj daengz

Rongh mbouj raen najbyak

Vah mbouj yaek mbouj daengq

Lau gvaqlaeng cij cat(ienq)

Daengngoenz miz ciuq bak

Gou yaek rap gaxgonz

Sai: Beix gou baenzneix daez

Siengj haemq gyae siujmeiq

Ndwi(mbouj) dwg saek ngoenz ndei

Vih baenzseiq vuenyungz

Sam nyied seiz vavengj

Lumj seiq lengq rongh gyae

Beix gou baenzneix daez

Siengj haemq gyae siujmeiq

Ciuq coenz vah daeuj naeuz

Aeu baenzciuh daxgyaez

Ndwi dwg saek ngoenz ndei

Vih baenzseiq vuenyungz

Mbwk: Raeuz caez vih baenzgya

Yaek miz maz goj ienq

Dangq saihoz bouxmbiengj

Caemh ngaeux donq sei lienz

Muengh raeuz ndaej doxcaeuq

Lumj siglouz hai va

Raeuz caez vih baenzgya

Yaek miz maz goj ienq

Ndei yak cungj doxbaengh

Vih daengzcog doxriengz

Dangq saihoz bouxmbiengj

Caemh ngaeux donq sei lienz

(caengz sat)

想用手去摘

□Veiz Yinghcaiz/危英才