Bonjbauq siusik (gicej Suh Gyahgvai/苏加快) Daj 2009 nienz guekgya minzveij caeuq caizcwngbu anbaiz gaihcanj hong sawqdiemj baujhoh caeuq fazcanj saujsu minzcuz daegsaek mbanjranz daeuj, gih raeuz hong sawqdiemj baujhoh caeuq fazcanj saujsu minzcuz daegsaek mbanjranz cingzcik yienhda. Youz gak dieg minzveij doigawj, ginggvaq guekgya minzveij cujciz conhgyah bingzsaemj, gih raeuz Sanhgyangh Dungcuz Swciyen Linzhih Cin Gvandung Cunh Gvansiuj Dunz daengj 59 aen mbanj ndaej guekgya minzveij minghmingz guh buek daih’it “Mbanjranz Saujsu Minzcuz Daegsaek Cungguek”(daengx guek ngamq miz 340 aen mbanj ndaej minghmingz), caemhcaiq venjbaiz, aensoq baiz youq daengx guek vih daihngeih.

Gih raeuz lij giethab gak yienhsi saedcaeq, youq daengx gih 79 aen minzcuz gunghcoz sifandenj gihcuj gwnzde, dawz 69 aen mbanj lied guh sawqdiemj, ndawde mbanj Boux- cuengh 39 aen, mbanj Yauzcuz 12 aen, mbanj Mulaujcuz 5 aen, mbanj Dung- cuz 3 aen, mbanj Myauzcuz、mbanj Mauznancuz、mbanj Ginghcuz gak 2 aen, mbanj Veizcuz、mbanj Yizcuz、mbanj Suijcuz、mbanj Gwzlaujcuz gak 1 aen. Doenggvaq cujciz gaihcanj hong sawqdiemj, fuzrex saedhengz le buek daegsaek mbanjranz baujhoh hangh- moeg ndeu, yaugoj haemq ndei: It dwg swnghcanj swnghhoz diuzgen ndaej daengz gaijndei; ngeih dwg daegsaek canjyez cugbouh bongqhung; sam dwg baujhoh caeuq caepguh ranzyouq nyoengx bae coh baihnaj; seiq dwg baujhoh caeuq swnjcienz minzcuz vwnzva aeundaej cincanj moq; haj dwg caepguh minzcuz doxgiet cinbu hozdung miz diuzleix dwk bae fazcanj.

Vih caenh’itbouh doidoengh baujhoh caeuq fazcanj saujsu minzcuz daegsaek mbanjranz、gyadaih saujsu minzcuz daegsaek mbanjranz binjbaiz yingjyangjliz caeuq fuzseliz, gih raeuz 59 aen mbanj buek daih’it “Saujsu Minzcuz Daegsaek Mbanjranz Cung- guek” youq 4 nyied daej gaxgonq cienzbouh venjbaiz hawj caez.