Mehmbwk baez guhhong dwgrengz rox- naeuz gwndaenj mboujmiz gvilwd, couh yungzheih “hwnjhuj”. Cawz baujciz gohyoz gwndaenj miz gvilwd le, lij wnggai lai haeujsim gwn di gijgwn “siu huj” he.

Byaekheu、lwgbieng、makdoengj、cazloeg siu huj yaugoj haemq ndei. Lauxbaeg nding ndaej bouj veizswnghsu B hawj ndang vunz, caemh ndaej yw naengbak dek.

Mwh “hwnjhuj” geizgan, gaej gwn gij huq manhget、ndoet laeuj、cit ien caeuq ngauzhwnz, baujciz conghbak seuqsak, ciengzseiz riengx bak, lai gwn raemx, caemhcaiq youq canghyw cijdauj baihlaj gwn yw “siu huj”. Danghnaeuz “hwnjhuj” haemq youqgaenj, aen singhgiz he lij caengz raen ndei, wng gibseiz bae yihyen genjcaz aeu yw. Conhgyah daezsingj naeuz, gaej gag luenh cawx yw siu huj ma gwn, aenvih mbangjseiz gwn lai le bingh engq haeuj naek.

Linghvaih, danghnaeuz conghbak miz biuxnaeuh, baenz aen singhgiz mbouj raen ndei, wng gibseiz bae yihyen aeu yw. Aenvih conghbak biuxnaeuh mbouj itdingh dwg “heiq huj daih” yinxhwnj, gojnwngz dwg bingh- biuxnaeuh conghbak deng binghdoeg ganjyenj lo, hix gojnwngz caeuq gizsu nem yizconz mizgven. Baez raen conghbak baenz biuxnaeuh seiz, wng genjcaz yingzyangj gijgwn swhgeij dwg mbouj dwg doxdaengh, yietnaiq gaeuq rox mbouj, caemhcaiq bouj gwn gak cungj veizswnghsu caeuq di gvangvuzciz he.