Gou heuh Mingzmingz, bi neix 9 bi lo, doeg siujyoz sam nienzgaep.

Gou sang 1.3 mij, miz doiq da ndongqliklik ndeu, bwnda raezram gig ndeiyawj. Gou bak iq ndaeng sang, daihgya cungj gangj gou maj ndaej gig dwggyaez, couh lumj lwgndiqbaengz nei. Gou gyaez habsib, aenvih cijmiz hagsib ndei le majhung cij ndaej guh gij saeh swhgeij siengj guh haenx. Cawzliux hagsib, gou lij gyaez dwk binghbanghgiuz, diuqcag, buet, aenvih yienghneix gojyij lienh ndangdaej. Gou lij seizseiz bang bohmeh guh hongranz, gyoengqde guh hong dauqma couh ndaej gwn gij ngaiz homfwtfwt gou cawj haenx.

Vunz bouxlawz mbouj miz gietdiemj ne? Gij gietdiemj gou couhdwg mbeiiq mbouj maij gangjvah. Moix baez hwnjdangz, gou cungj dwg dinghdingh naengh dwk, dingq doengzhag hoizdap vwndiz. Miz seiz gou hix siengj ndwn hwnjdaeuj hoizdap vwndiz, hoeng cungj mbouj gamj. Gou itdingh gaij aen gietdiemj neix bae.

Neix couhdwg gou, dahniq dwggyaez youh mbeiiq ndeu.

（指导老师：杨金梅）