Lwgnyez nohheuj doz nong gawhfoeg rox gamjdaengz daegbied in dot, lienz daengz yungh yw dingz in cungj fouzfap vanjgaij. Heujcij danghnaeuz doz nong gawhfoeg mbouj ndaej gibseiz yw ndei, rox yingjyangj daengz gij heujgungx yaek sengmaj okdaeuj haenx; danghnaeuz dwg heujgungx doz nong gawhfoeg, mboujdanh in dot nanz dingj, caemhcaiq cauhbaenz heuj lon heuj loenq dem.

Raen lwgnyez nohheuj doz nong gawhfoeg seiz, cawjranz ndaej baenz- neix bae cawqleix:

1、Cam lwgnyez gizlawz heuj doz nong gawhfoeg. Heuh lwgnyez aj bak, cazyawj gizde nohheuj dwg mbouj dwg ndingfoeg.

2、Aeu raemxgyu cit hawj de riengx bak, caemhcaiq yungh daeh raemxndat baeng mbiengj gemj haenx, hix ndaej yungh 2% denjganhyouz led giz ndingfoeg, yienghneix ndaej gemjsiuj gizde in dot.

3、Haeujsim gaej vihliux vanj- gaij lwgnyez in dot cix luenh yungh ywmaz daeuj led. Aenvih yienghneix guh rox hawj nohheuj deng sieng, heuj engqgya in lai.

4、Bingzseiz aeu son lwgnyez guh baenz aen sibgvenq ndei gwn haeux sat roxnaeuz yaek ninz gaxgonq riengx bak cat heuj, daegbied dwg gwn huqdiemz le aeu sikhaek riengx bak roxnaeuz gwn raemx.

5、Moix gek buenq bi daiq lwgnyez bae yihyen genjcaz diuzheuj sengmaj caeuq gengangh cingzgvang baez ndeu. Baenzneix guh, cij ndaej gibseiz fatyienh caemhcaiq ceihyw bingh heuj de.