●Bi’gvaq, Gunghcwngz Yauzcuz Swciyen guh 18 aen suijli hanghmoeg, caizcwng ok 114 fanh maenz daeuj ciengj- bouj, moix aen yangh(cin) ok 10 daengz 20 fanh maenz, hengzguh“aeu ciengj lawh coengh”. Bi- gvaq daengx yienh gungh guh sat suijli guding roengzcienz 1.2695 ik maenz.

(Couh Binjsiuh Liuz Ciz- sungh)

●Bineix geiqdoh daih’it, Cauhbingz Yen lijyouz gungh souhaeuj 10.8 ik maenz, doengzbeij gyalai 21.25%, gungh ciepdaih hekyouz 105.8 fanh vunzbaez, doengzbeij gyalai 14.81%.

(Liuz Feih)

●Vih gyarengz hawj vunz- lai ndaem haeuxyangz henjgim、razbag daengj gij canjyez dajndaem miz daegsaek de, gaenh bi daeuj, Bahmaj Yauzcuz Swciyen doenggvaq lai cungj fuengsik, mienxfeiq fat ceh haeuxyangz nem lwgrazbag hawj vunzlai, dazyinx gyoengqde gya guh dajndaem. Bineix, aen yienh neix gaenq gungh mienxfeiq fat ceh haeuxyangz nem lwgrazbag hawj vunz diegbya Sihsanh Yangh、Dunghsanh Yangh daengj, gij ceh neix gungh dij 100 fanh maenz.

(Suh Suiningz)

●Daj bineix daeuj, Lungz- swng Gak Cuz Swciyen gawjbanh le 20 lai geiz lajmbanj vunzhong lawh hong cizyez ginwngz beizyinbanh, son’gyauq guhcaz、dajcawj、denhgungh、hongranz daengj conhyez ginwngz, bangcoengh nungzminz dangdieg lai ndei ra hong cauxhong, hawj gyoengqde ndaej youq dangdieg beizyin.

(Veiz Gizyangz)

●Bineix geiqdoh daih’it, Denhdwngj Yen caizcwng gungh souhaeuj 8017 fanh maenz, doengzbeij gyalai 58 fanh maenz, gyalai 0.7%.

(Cinz Vwnzswng Vangz Lilanz)