（ciep geiz gonq）

Bya youz raemx doh giz

Rumz ci ndoengfaex yiengj

Sevei cien fanh yiengh

Gaq giuzliengz bingzdaengj

Dujduj va doengz rang

Gogo sang doxdaengh

Bouxboux vunz bingzdaengj

Doxbaengh buet siujgangj

Haujlai aen guekgya

Haenh Cunghvaz yinzminz

Neix dizcang goengcingq

Ndaej raeuj sim lwgminz

Fanj fujbai souvei

Banh saeh ndaej goengbingz

Goeng sei ndaej faencing

Goengcingq daeuj banh saeh

Cauh ruz baengh gaiqvad

Ndaem mak baengh guenjleix

Ceih guek baengh fapceih

Seivei ndaej daizbingz

Fapceih lumj aendaeng

Ciuq raen laeng raen naj

Ceih guek miz canghfaz

Gwnzlaj ndaej onningz

Bi daengz sam nyied sam

Eu fwen danq mbouj caez

Fwen danq guekcoj ndei

Mbwn lamz deih engq cingx

Roeg baengh fwed ndaej mbin

Max baengh din buet vaiq

Raeuz gingyez fatcaiz

Cienz haeux lai bienq fouq

Ranznden baengzyoux ndei

Gou bae mwngz youh daeuj

Ndaej hoengq caez sailaeuj

Bang hong mbouj gangj cienz

Boux vih boux caez ngeix

Miz saeh caez doxbang

Ciuhvunz sim mbouj sanq

Baengzyoux dangq vunzranz(sat)