Geij cib bi neix daeuj

Guek raeuz baenz fouqgiengz

Dangj lumj daengngoenz yiengh

Rongh gvaq biengz gvaq gyaiq

Byaij hwnj daegsaek loh

Gohyoz gisuz sang

Gungh nungzyez gozfangz

Bak gangj ok lwgfeiz

Ei Cunghyangh haedsaem(sim)

Daj gwnz daengz baihlaj

Daengx guek gungh aen’gya

Caez danggya guhcawj

Guekgya baengh minzcuj

Yienghyiengh guh ndaej hingz

Neix guekgya lwgminz

Cingq bongh mbin bae naj

Guekgya daj senq seiz

Couh daezcang vwnzmingz

Vwnzmingz bengz gvaq gim

Raeuj ndawsim vunzraeuz

Ciuh doek ciuh goj gangj

Daih dam daih goj cuenz

Cien fanh bi mbouj duenh

Vwnzmingz suenq baenz bauj

Boux bang boux cix ndei

Boux gyaez boux cix baenz

Vah ndei dangq gimngaenz

Huzndei baenz ranzndeu

Mbwn namh seng fanh huq

Caen fuk bu haeuj ranz

Huzndei ndaej bingzan

Cunghvaz fanh saeh hwngq

Roeg gyaez mbin giz sang

Bya gyaez gyang haij youz

Vunz gyaez maij swyouz

Ndaej yiengjsouh vaiqlag

Dauqcawq hai va rang

Gizgiz angj va moq

Swyouz fangzhwnz loq

Neix goj angqvauvau(caengz sat)