Lij lauxsae, gou siengj doiq mwngz gangj:“Lauxsae, docih mwngz, dwg mwngz son gou hag rox cihsiz, son gou hag rox guh vunz.”

Bingzseiz, mwngz hwnjdangz, gou cungj youq baihlaj gangjsebseb. Doiq mbouj hwnj, Lij lauxsae, baezlaeng gou itdingh gaij gvaq- daeuj, guh boux hagseng ndei nyinhcaen dingq goq ndeu. Cingj mwngz yienzliengh gou mbouj roxsoq ba!

Lij lauxsae, mwngz sinhoj lo, docih mwngz seizseiz dawz gou haeujsim, mwngz mbouj dandan cij hawj gou guh saeh ndei, hix hawj gou mbouj famh loek. Mwngz naeuz loek le gaij gvaq couh ndei lo.

Hai banhoih seiz, mwngz daeuj hawj dou gangj goj, baez gangj sat aen goj ndeu, mwngz couh cam dou daj ndaw goj hag ndaej daengz gijmaz, hawj dou rox ndaej haujlai dauhleix.

Daxmeh gangj:“Lauxsae dwg boux vunzgviq raeuz.” Lij lauxsae, gou nyangz raen mwngz, couhdwg nyangz raen boux vunzgviq ciuhvunz gou! （指导老师:韦春柳）