Baez haeuj seizcin, aenmbwn hawq- sauj, dienheiq bienqvaq lai raeuh, ndang vunz sied raemx lai, yinxhwnj ndang vunz sup haeuj caeuq baiz ok daengj sengleix gihnwngz saetdiuz cix yinxfat baenz hwnjhuj. Haujlai vunz cungj okyienh conghhoz hawqsauj insep、da hoengz hawq saep、conghndaeng ndatoem、naengbak dekleg、gwn mbouj ndaej doxgaiq、haex ndongj nyouh henj daengj binghyiengh. Ndigah, seizcin aeu haeuj- sim yietnaiq caeuq gwnndoet diuzciengx, fuengz hwnjhuj.

Youq ndaw seizcin, aenvih bingh- doeg caeuq nengzbingh daihliengh ciemq haeuj ndang vunz bae, couh yungzheih yinxfat baenz binghlah wnq. Ngamq baenz binghlah seiz, gij yiengh de ciengz dwg caeuq hwnjhuj doxlumj. Yienznaeuz hwnjhuj vwndiz mbouj daih, gvanhgen dwg loek dawz binghlah nyinh guh hwnjhuj, nguh yw le binghcingz haeuj naek, roxnaeuz cienzlah hawj bouxwnq. Ndigah, fatyienh miz hwnjhuj roxnaeuz yiengh lumj hwnjhuj seiz, ceiq ndei dwg bae yihyen duenq yw.

Seizcin hwnqmbonq le ndaej gwn di raemxgoenj raeuj he, moix ngoenz lai gwn di makmizhouzdauz、sae’gva、mak- gam ndeu. Ngoenznaengz gwnndoet ndaej gwn di rangz singjsien、lwghaemz、byaekginzcai、byaekdoengzhauh ndeu. Noix gwn gijgwn manhget、youz caq、youz nywnx. Gwndaenj aeu miz gvilwd, haeujsim guhhong caeuq yietnaiq doxgiethab, gaej laebdaeb ngaizhwnz. Ciengzseiz guh yindung, moix singhgiz ceiq noix guh song baez yindung hawj de ok di hanh he.