Byaekginzcai ndaej cauj gwn, hix ndaej guh byaekliengzban gwn. Gyawj geij bi daeuj ginggvaq lai baez yenzgiu byaujmingz, byaek- ginzcai guh yw yaugoj cibfaen ndei.

Mbaw caeuq ganj de hamz raemx lai, noix ndat, hamz gyaz lai, danhseih hamz veizswnghsu C caeuq veizswnghsu A haemq noix. Ganj wng caenhliengh caeuq mbaw de itheij cauj gwn, neix dwg aenvih mbaw de hamz gai、gyaz、dez、veizswnghsu A caeuq veizswnghsu C beij ganj lai ndaej lai.

Mbaw de hamz dez haemq lai, boux baenz lwedhaw noix diet wng lai gwn di. Mbaw de hamz gyaz hix lai, ndaej yw binghhezyaz. Doiq boux baenz sailwed giet ndongj、boux sinzgingh hawnyieg miz bangbouj ceihyw cozyung. Mbaw caeuq ganj hamz miz veihfazsing doxgaiq, daegbied hom, ndaej hawj vunz sekdungx. Raemx mbaw ndaej gyangq hezdangz, ciengzseiz gwn ndaej cunghab niusonh caeuq cunghab gij doxgaiq soemj ndaw ndang, ndaej fuengzceih baenz in.

Ndaw byaekginzcai hamz miz daihliengh nyinzsei co, ndaej gig dungxsaej noddoengh, coi vunz ok haex. Caemh ndaej leih nyouh, siu foegraemx, ndaej coi gij raemx doyawz ndaw ndang baiz okdaeuj.

Dawz byaekginzcai、lauxbaeg nding cab baenz naed iq, dwk raemxgoenj log yaep ndeu, cawj duhdoem cug, dwk diuzliuh gyaux ndei gwn. Feih byaek neix hab boux fat biz、boux hezyaz sang、boux baenz haexgaz gwn.

常吃芹菜可以治疗高血压病