Boux hezyaz sang: Hezyaz bouxvunz hwnzngoenz ndeu dauq- ndaw fubfeb mbouj dingh, rwd sang rwd daemq, baenz “song sang it daemq” sangsang daemqdaemq fubfeb, couhdwg gyanghaet 9 daengz 11 diemj caeuq lajbyongh- ngoenz 4 daengz 6 fiemj ceiq sang, daj 6 diemj hwnj youh menhmenh doekdaemq, daengz haet daihngeih 2 daengz 3 diemj doek daengz ceiq daemq. Vunzbingh hezyaz ceiq sang seiz rox fatseng uk roenx lwed, mwh hezyaz ceiq daemq seiz uk saek lwed caeuq gvancang doenghmeg lwed saek. Ndigah, ywgyangqyaz itbuen youq 8 diemj caeuq 15 diemj baen 2 baez gwn ceiq ngamj. Boux baenz hezyaz sang mbaeu geih youq yaek haeujninz gaxgonq gwn yw, fuengz baenz hezyaz daemq. Vunzbingh hezyaz mbouj sang mbouj daemq naengh gyanghaemh aeu gwn yw, hix wngdang iekliengh gwn noix di.

Boux hezdangz sang: Boux baenz binghnyouhdangz mwh dungx byouq seiz lweddangz caeuq dangznyouh hwnzngoenz cungj miz gvilwd fubfeb, haetcaeux swng ceiq sang. Yizdaujsu gyangq dangz cozyung hix miz hwnzngoenz gvilwd, haetromh 4 diemj ndang vunz doiq yizdaujsu ceiq minjganj, gwn di yw ndeu yaugoj haemq ndei.

Boux hezcij sang: Ndang vunz habbaenz danjgucunz hix miz hwnzngoenz gvilwd fubfeb, byongh- hwnz caeuq haetcaeux duenh seizgan neix ndawde habbaenz ceiq hoengh, ndigah, gwn yw sinh- fazdahdingh caeuq yw lozfaz- dahdingh youq gyanghaemh yaek haeujninz seiz gwn yaugoj ceiq ndei.