Seizcin, nengzbingh、binghdoeg daengj veizswnghvuz hainduj sanjlah, ndigah, youq gwnz gwnndoet wng lai gwn byaekhau iq、byaekyouzcai、lwgmanh ndae、makyungz、makgam、makcengz daengj byaek mak, geij cungj byaek mak neix hamz veizswnghsu C lai, gwn de ndaej dingj binghdoeg; lauxbaeg nding、byaekroem hamz veizswnghsu A lai, ndaej dingj gak cungj bingh ciemq haeuj ndang vunz; lwgraz、byaekgienjsim、byaek- reuz hamz veizswnghsu E lai, gwn de ndang vunz lai dingj ndaej bingh.

Yingzyangj yozgyah nyinhnaeuz, bouxcungnienz、bouxlaux miz nyieg caeux yienghsiengq、ndang miz gak cungj binghmenhsingq byombyet、hwet naet da raiz、saeknaj henjrawq、cingsaenz mbouj ndei haenx, caemh ndaej leihyungh seizcin aen geiqciet neix gaengawq aenndang caeuq binghcingz habdangq gwn bouj daeuj fuengz bingh yw bingh.

Bouxlaux miz gij bingh baihgwnz seiz, ndaej senj gwn haeuxlidlu、gienghduh、lwglimz、makgam、mak- bingzgoj、lwgraz caeuq makhwzdauz daengj, gij huq neix ndaej ciengzgeiz gwn.

Aendungx caeuq cibngeihcij- cangz biux naeuh hix yungzheih youq seizcin fukfat, gwnndoet wng siuj gwn dangnohmou、dangnohgaeq、dang- nohbya、dangnohvaiz caeuq byaek- bohcai、duh、dungxsaej bwtdaep doihduz daengj, aenvih gij huq gwnzneix rox gig raemxdungx iemqok roxnaeuz habbaenz ciengq heiq le demgya dungxsaej fudanh. Hix ndaej aeu dangzrwi gek raemx naengj cug le youq mwh dungx byouq seiz gwn, moix ngoenz gwn 100 hauzswngh, baen 3 baez gwn liux; roxnaeuz aeu 250 hauzswngh cijvaiz coemh goenj le caeuq 50 gwz dangzrwi、6 gwz bwzgiz heuz yinz le gwn. Gwn gij huq neix ndaej ciengx yaem ik dungx.