Daxmeh gou mbouj sang hix mbouj daemq, byoemgyaeuj raezrangrang, de dwg boux lauxsae he !

Daxmeh gou gig gyaez gou , hix gig gvansim gou, gij gwn gij daenj gou cungj dwg daxmeh guh hawj gou, ndangdaej mbouj ndei seiz hix dwg daxmeh ciuqgoq gou. De ciengzseiz heuh gou aeu lai lienh ndangdaej.

Vih hawj gou ndangdaej cangq, daxmeh ciengz daiq gou bae guh yindung. Miz ngoenz ndeu banringz, ndit ronghsag. Daxmeh daiq gou bae youzraemx, bae daengz gizdieg youzraemx, guh ndei cunjbei le, gou couh diuq roengz ndaw raemx bae. “Gyahging, 5 miux cung mwngz youz ndaej daengz gizneix daeuj lwi?” Daxmeh ndwn youq hamq baihhaenx doiq gou naeuz. “Yungzheih lai lo.” Gou naeuz. Gangj sat gou sikhaek ndaemraemx youz gvaqbae. “7 miux cung,”daxmeh naeuz, “cijaeu mwngz ndaem roengzbae seiz yungh rengz, itdingh ndaej youq 5 miux cung ndawde youz gvaqdaeuj. ” Gou gaengawq gij daezsingj daxmeh bae guh, caen dahraix youz ndaej lai vaiq lo.

Daxmeh gou couhdwg yienghneix, de mboujdanh gvansim gou, hix gig rox gujli gou, gou gyaez daxmeh gou.（指导老师：李专红）