Sam nyied va hai angj

Baekging langh va gyaeu

Bineix ngamq haidaeuz

Saehndei raeuz mbouj duenh

Yinzda caeuq cwnghez

Song de caez haihoih

Cib ngeih gai sam hoiz(baez)

Gyoengqdoih lwnh saehhung

Lij Gwzgyangz cungjlij

Veiyi guh baugau

Gwnz hoih naeuz ndaej sau

Vunzlai bauq bekfwngz

Cungjlij naeuz ndaej ndei

Ei fap ceih guek haenq

Swhfaz goengcingq haenx

Vunz haenh guek engq giengz

Gaijgwz aeu haeujlaeg

Rap naek dawz gwnz mbaq

Vaij haeuj raemxlaeg la

Vad baenaj couh gvangq

Fanjfuj aeu haenqrengz

Hwnj geng mbouj lau naiq

Gwnzroen roeb vunzvaih

Bik de haiz saehloeng

Ginghci aeu fazcanj

Singz mbanj coh siujgangh

Guekgya aeu fouqgiengz

Yinzminz siengj fatfouq

Yw bingh aeu yihbauj

Ciengx laux gyaez bouxgeq

Ciuqgoq gyoengq bohmeh

Minzswngh gej aeu vaiq

Seiqhenz raeuz aeu hen

Giekdaej sien cuk maenh

Bo heu raemx saw haenx

Gwndaenj hwnj mbaek sang

Song hoih hai ndaej ndei

Veiyi miz cwngzgoj

Ceih guek banhfap doh

Roen soh bae ndaej nyaemz