De miz doiq lwgda ronghsag ndeu, byoemgyaeuj ndaemrongh, bak caeuq ndaeng iqet gig ndeigyaez. De couhdwg doengzhag gou ——Lij Fangh .

Lij Fangh saundei、 gvaigvet youh unqswnh，daengx ngoenz raen de riuhihi. De daegbied gyaez hagsib, hwnjdangz seiz de nyinhcaen dingq gangj, mbouj gangjgoj mbouj guh siuj dungcoz. Lauxsae daezok vwndiz, de diuz ndeu hix mbouj cuengq gvaq. Roengzdangz le, dou ok gyausiz bae guhcaemz, cijmiz de naengh youq diegnaengh yawjsaw、siengj vwndiz. Moix baez de cungj nyinhcaen guh cozyez, ciengzseiz ndaej bak faen, ndaejdaengz lauxsae byaujyangz, gyoengq doengzhag gig boiqfug de.

Lij Fangh lij gyaez guhhong, cijaeu laj diegnaengh de miz nyapnyaj, de couh gag gip hwnjdaeuj gveng daengz ndaw doengj- nyapnyaj bae. Mizseiz mbouj daengz de baet gyausiz, de hix gaemdawz gaiq sauqbaet daeuj baet gyausiz.

Gij youhdenj Lij Fangh mbouj dan dwg gijneix, gvensim caeuq bangcoh bouxwnq dwg sibgvenq ndei de. Neix couhdwg boux doengzhag gou. Gou aeu ndeindei hag de, guh boux hagseng ndei ndeu.

（指导老师：罗 凤）