●Geij ngoenz gonq, Yungzsuij Myauzcuz Swciyen bien ndei“go minzcuz”, gungh sou 《Yungzsuij Gyaeundei》、《Feiz Youq Diegbya Myauzcuz》、《Dahsau Dajbaengz》daengj 20 souj, gij go neix baugvat guhdoengz、gingqlaeuj、couxhek daengj neiyungz miz daegsaek bonjdieg, neix doiq swnjcienz fazcanj yinhyoz Myauzcuz gig miz yiyi.

(Siz Gveiz)

●Bi’gvaq, Bingzgoj Yen gungh dingh ndei gij hanghmoeg cunh gaep it saeh it yaeng hawj vunzlai souh’ik de 323 aen, hawj 27.4 fanh vunz souh’ik, gungh roengz 2817.8 fanh maenz. Neix hawj vunz saujsu minzcuz ndaej gig lai dwk gaijndei swnghcanj swnghhoz diuzgen, hawj gyoengqde gvaq ndaej lai ndei.

(Vuz Anhginh)

●Geij ngoenz gonq, Gunghcwngz Yauzcuz Swciyen hai cauhbinvei, nda hong hawj vunzhong lajmbanj. Miz 30 lai aen giyez daeuj aeu vunzhong. Yienhciengz miz doenghboux gunghcoz yinzyenz fat gak cungj senhconz swhliu 4000 lai faenh, daezhawj 2000 lai aen gangjvei, gij hong de gvendaengz 30 lai aen hangznieb.

(Moz Yaujsenz)

●Bi’gvaq, Yungzanh Yen doenggvaq fazcanj dajndaem dajciengx gij canjyez miz daegsaek youh gauhyau de, hawj dieg cizdij gyalai gyaciz nem soundaej, bangcoengh nungz- minz laisou, daengx yienh nungzminz moix boux cingh- souhaeuj 8365 maenz, doengz- beij gyalai 13%. Aen yienh neix nungzminz cinghsouhaeuj daih- it baez mauhgvaq 8000 maenz.

(Veiz Cujswz)

●Bi’gvaq, Lozcwngz Mulaujcuz Swciyen gungh bangcoengh 65968 vunzbaez, bangcoengh 1839.59 fanh maenz. Laemzseiz bangcoengh 378 vunz 12 fanh maenz, coengh gyoengqvunz gungzhoj ndaej onjsim gvaq saedceij.

(Veiz Yizdai)