3 nyied 5 daengz 6 hauh, doenghboux daibyauj camgya“song hoih”de saemjlwnh cwngfuj gungh- coz baugau. Gicej bae daengz doenghgij daibyaujdonz daibyauj swngj(gih) minzcuz nem dieg cungqgyang nem baihsae guek raeuz, cam gyoengqde ndawsim baenzlawz naemjngeix. Guek raeuz daengz 2020 nienz aeu cienzmienh guhbaenz siujgangh sevei, yaek saedyienh aen muzbyauh neix, mbouj yungh gangj cungj rox dieg saujsu minzcuz dwg giz doeklaeng、giz hojguh nem giz youqgaenj. Baenzlawz caeuq daengx guek caemhyamq cienzmienh guh- baenz siujgangh sevei, neix dwg gienh saeh gyoengq saujsu minzcuz daibyauj cungj ngeixlwnh.

Daengx guek yinzda daibyauj Bouxcuengh、Swcigih Minzveij cujyin Luz Yenbenj daez genyi, aeu doenggvaq fuzbinz hanghmoeg、cienzngaenz、cwngcwz daengj fueng- mienh gyarengz bangcoengh Gvangjsih guh hong fuzbinz; aeu dawz gij vwnzgen nem cwngcwz gvendaengz Cunghyangh Minzcuz Gunghcoz de dingh ndaej engqgya sijsaeq、hengzguh engqgya mizrengz, beijgangj swnghdai boujdiep、hawj mizdi yienh(si) ndaej gemjnoix cienzngaenz boiqdauq guh gij hanghmoeg guekgya roengzcienz de; bangcoengh Gvangjsih laebguh aen gih hung minzcuz vwnzva, laeb Bouxcuengh、Mauznanzcuz、Mulaujcuz、Ginghcuz daengj haj aen guekgya gaep minzcuz bozvuzgvanj, laeb buek guekgya gaep minzcuz vwnzva henhoh nem swnj- cienz gihdi ndeu.

(Niuz Cinanz/牛志男)