Baez gvaq laebcin, seizcin couh gaenriengz daeuj daengz lo, youq aen geiqciet fanh faed cungj ndiusingj neix, mbangj bingh hix hainduj loh naj okdaeuj lo, lumj binghsailwed sim uk、binghhwnjnwnj、bingh- diemheiq、binghlah daengj hix foenfoen ndot okdaeuj. Baenzlawz yawhfuengz gij bingh neix ne?

Conhgyah naeuz, habdangq gwn di suenq caeuq meiq ndeu ndaej yawhfuengz binghdungxsaej.

Riengzdwk mbwn ciemh ngoenz ciemh raeuj, gak cungj nengzbingh、binghdoeg hainduj sanjlah hoengh- vuengh, seizcin binghlah conghsaej cujyau miz baenzsiq、gipsingq cangzyenz、binghsienghanz、bingh- raq、gyazganh daengj.

Canghyw daezsingj naeuz, guh ndei gwnndoet veiswngh, fuengz bingh daj bak ciemq haeuj, itdingh aeu gaenx swiq fwngz. Cawx gijgwn seiz, aeu genj cawx gij- gwn singjsien; siuj gwn byaek- liengzban, mwh yaek gwn byaek- liengzban seiz sien yungh raemx- gyoet cungswiq gvaq, gva mak aeu swiq seuq dat naeng caiq gwn, haeux byaek wng doq cawj doq gwn; cauj byaek seiz, doengh aen rek gu aeu haeujsim siudoeg, huqndip huqcug faenhai cuengq ndei, habdangq gwn di suenq caeuq meiq ndeu daeuj yawhfuengz binghlah dungxsaej.