Conghndaeng ok lwed seiz, itbuen vunzraeuz cungj haengj ngiengx gyaeuj dauq laeng, congh- ndaeng daengj doxhwnj, yienghneix guh mboujdanh nanz dingz lwed, ngiengx gyaeuj daengj hwnj lij rox hawj lwed lae dauq coh conghhoz, deng ndwnj roengz saihoz caeuq dungxsaej bae, nemmuek dungxsaej deng gig le bouxvunz mbouj cwxcaih roxnaeuz rueg ok. Mwh conghndaeng ok lwed lai seiz, lij rox deng sup haeuj hozgyawh caeuq ndaw bwt bae cauhbaenz yungyiemj.

Ceiq ndei fuengfap dwg baenz- neix: Baujciz cingqciengz ndwn soh roxnaeuz loq goemz gyaeuj baenaj di, apbik dingz lwed. Couhcinj miz di lwedgongj dimzsaek conghndaeng, gij huq gietgongj ndaw lwed ndaej bangcoh hawj lwed gietgongj. Mwngz saengq lwed okdaeuj, dauqfanj yungzheih cauhbaenz caiq ok lwed moq. Dangyienz, mwh ok lwed haemq lai seiz, aeu gibseiz soengq bae yihyen ra canghyw genjcaz ceihyw.

Vih fuengz ndaw rug hawqsauj, ndaej youq ndaw rug faet di raemx he. Noix gwn gijgwn manhget, lai gwn byaekheu caeuq lwgmak, lumj lwghaemz、sae’gva daengj. Gaej yaek conghndaeng, gaenx saengq mug, guhbaenz gaenx yungh raemx cungswiq conghndaeng aen sibgvenq ndei neix.