Seizcin cawz yawjnaek ciengx daep le, ciengx bwt hix gig youqgaenj, ndaej daj cingsaenz、gwnndoet caeuq yindung sam aen fuengmienh bae diuzleix ciengx ndang.

Cingsaenz ciengx bwt、gwnndoet ciengx bwt、yindung ciengx bwt. Vunzraeuz seizcin yungzheih naetnaiq, cingsaenz mbouj ndei seiz ceiq yungzheih sieng bwt. Ndigah, seizcin gaej youcaeuz daiq lai, aeu haeujsim cuengq atlig okdaeuj, diuzcez cingzsi.

Gwnndoet ciengx bwt cuj- yau dwg lai gwn raemx, ngoenznaengz ceiq ndei beij bingzseiz lai gwn 500 hauz- swngh raemx. Lij ndaej ndingq raemxgoenj roengz boi bae, aenndaeng doiqcinj bakboi sup raemxfwi haeujbae, moix ngoenz songsam baez, moix baez 10 faen cung. Lai gwn lauxbaeg hau、ngaeux、lwgbieng、mbawbyaek、makleiz、makdaihcauj、oij daengj byaekheu caeuq lwgmak.

Yindung ciengx bwt cuj- yau dwg nunaenx aenndaeng、diemheiq laeg、ndoiq laeng naengh cingq、guh dingj nit lienhndang daengj. Nunaenx aenndaeng cujyau dwg yungh lwgfwngzmeh nunaenx giuz- ndaeng, guh dingj nit lienh- ndang ndaej yungh raemxgyoet swiq naj swiq din roxnaeuz raemxgyoet caemxndang, danh- seih, aeu aenq rengz bae guh caemhcaiq ciengzseiz genhciz cij ndaej.