2 nyied 21 hauh, dwg ndwencieng cosam, ngoenzde, youq Lingzyinz Yen Gyahyouz Cin Mbanjyasanj, gyoengqvunz cingq roq gyong roq laz, doxcomz eu fwen, Lingzyinz Yen youq gizneix gawjbanh hoihfwen, angqhoh ndwencieng. Ngoenzde, miz 200 lai boux canghfwen mehmbwk caeuq bouxsai, daj Hozciz Si Fungsanh Yen、Bwzswz Si Lozyez Yen caeuq Lingzyinz Yen daeuj camgya hoihfwen. Gwnz hoihfwen vunz lai vunz daih, nauhyied dangqmaz. Gyoengq canghfwen eu gij fwen haenx cungj dwg gyoengqde gag bien gag sij, ndeinyi raixcaix, ndaej daengz vunzlai haenhndei. Doenggvaq guh baez hoihfwen hozdung neix, ndaej gyalaeg gij cingzngeih gyoengq ginzcung, dabdaengz aen muzdiz aeu fwen gyau youx、baengh fwen cienz cingz haenx.

(Siuh Fazlingz/肖发凌)