Biyiengz ndwencieng cosam caeuq coseiq song ngoenz neix, Sanhgyangh Dungcuz Swciyen youq Mbanjdungcuz aen ciengz vaiz doxdaemj Niujcauz, gawjbanh vaiz doxdaemj doxdax hozdung, miz 30 lai duz vaiz daj Liujcwngz Yen、Lozcwngz Mulaujcuz Swciyen caeuq lajmbanj dangdieg daeuj camgya doxdax, gyoengq vaiz duzduz doxdaemj haenq raixcaix, ndeiyawj dangqmaz, yinx daeuj haujlai bouxyouz yawjngonz. Beixnuengx Dungcuz daj ciuhgeq hwnj couh maij yawj vaiz doxdaemj, moix bi ndwencieng、ciet sam nyied sam、bet nyied cibngux daengj ngoenzciet cungj gawjbanh vaiz doxdaemj doxdax hozdung, aeu neix gouz bi moq gohaeux ndaej fungsou. Ndaw doz dwg 2 nyied 22 hauh, song duz vaiz doxdaemj doxdax ciengzmienh.

(Yangz Mingz Gungh Bujgangh/杨 明 龚普康)