Miz ngoenz ndeu, boux doengzhag siujyoz ndeu dwk dienhvah daeuj naeuz, ngoenzcog doengzhag siujyoz youq mbanjranz doxcomz. Gou itcig youq dieggyae guhhong, ngeihcib bi mbouj ma ranz lo, dwg wnggai ma yawjyawj lo.

Gou hai aen feihgih gou mbin ma daengz mbanjranz, yawjraen gyoengq doengzhag siujyoz cungj daeuj lo, daihgya comz youq giz ndeu mbouj yungzheih, gojyij gangj haujlai vah lo.

Miz aen ci ndeu hai haeuj- daeuj, boux roengz ci haenx mbouj dwg Siujveih ma? Yah, lij caen dwg de !

“Mwngz gig miznaj ha, duenh seizgan neix nyaengq gijmaz?”

“Gou ya.” De dap naeuz:“Gou hai ranz camcaz simleix ndeu, bang bouxwnq, hix bang swhgeij ha.” Cingq gangj dwk，miz vunz heuh gou, dwg bouxlawz ne? “Laux doengzhag, mbouj geiq ndaej la, gou dwg Siujswh.” “O, gou yaek lumz bae lo, mwngz seizneix guh gijmaz ne?” “Gou dwg sezgiswh, gou lij ndaej gvaq haujlai ciengj ne?” Siujswh gig miznaj gangj.

Neix mbouj dwg Lij lauxsae ha? De dwg siujyoz banhcujyin dou. De bienq laux lo, danhseih gij riunyumj de lij lumj gaxgonq ityiengh. “Siujyingh ha, neix dwg cozyez siujyoz mwngz, gou lij bang mwngz louz bw. Mwngz seizneix dwg boux canghyw mizmingz ndeu lo, mbouj ndaej dasang, aeu ndeindei vih bouxbingh yw bingh bw!”

“Gyoengq doengzhag, daihgya lij geiq ndaej lwi, siujyoz bizyez seiz, Lij lauxsae ok diuz daez cozvwnz haenx dwg gijmaz?” “Geiq ndaej.” Daihgya itheij dap naeuz:“Neihcib bi le caiq doxraen.”

Ngeihcib bi le caiq doxraen, gyoengq doengzhag bouxboux cungj gig angq, yaek doxbiek lo, daihgya cungj sij mbouj ndaej lizhai!

（指导老师：罗少维）