Daihgya ndei! Gou dwg gisongih, daihgya cungj heuh gou dennauj, lajneix gou gag daeuj gaisau swhgeij：

Gou daenj geu buh ndaem ndeu, aennaj dwg cangzfangh- hingz, gyoengqvunz heuh de guh yenjsibingz; song aen rwz gou dwg cwngfanghdij, gojyij cienzok yinhyoz ndei dingq haenx, gyoengqvunz heuh de guh yinhsiengh; aen sujbyauh dwg mwnzgyaeq, de couhdwg fwngz gou; aensieng cangzfanghdij dwg ukgyaeuj gou, gyoengqvunz heuh de guh cujgih; aen genbuenz youh raez youh benj haenx dwg din gou. Gij goengnaengz gou gig lai! Mwh guhhong, bouxcawj yungh gou daeuj ra swhliu、sij faenzcieng、geiq saenq……Mwh yietnaiq，bouxcawj yungh gou daeuj guh youzhi、dingq go、veh dozveh、hwnj QQ gangjgoj……Gou hawj boux- cawj daiqdaeuj haujlai vaiqvued. Bouxcawj hix gig gyaez gou，moix baez yungh gou seiz，cungj dwg siujsim dwk daenq gij fwngz gou diemj aennaj gou，miz seiz yungh fwngz youq gwnz din gou diemj bae diemj dauq dajcih. De lij ciengzciengz yungh sujbaq mad ndang gou, bang gou mad faenx, hawj gou seuqcingh! Hoeng gou hix miz vunzdig, neix couhdwg binghdoeg. Vihneix, bouxcawj an faq ciengz redoeg ndeu hawj gou, lij ciuqseiz bang gou gaj doeg, neix hawj gyoengq binghdoeg siengj buqvaih gou haenx mbouj gamj gyawj gou lo.

Sou gangj, gou dwg mbouj dwg gig ndei ne? Sou gyaez gou lwi?

（指导老师：罗 凤）