Geij ngoenz gonq, Swcigih Minzyijveij Vangjcan goenghai《Aen Biuj Swcigih Minzyijveij Bineix Guh Hanghmoeg Hong Vah Saw Minzcuz》, dingh ndei bineix guh 10 aen hanghmoeg, moix aen hangh- moeg faenbied lied ok mingzdaeuz、neiyungz、boux lingjdauj cawjguenj、aen cusiz guhdaeuz、bouxfucwz nem seiz guh sat. Ndawde miz 8 aen hanghmoeg gvendaengz hong vah saw saujsu minzcuz. Gij hanghmoeg neix baugvat gyavaiq doidoengh hawj hong vah saw minzcuz ndaej sij haeuj ndaw faplwd bae、diucaz gij vah saujsu minzcuz vunz yungh yied daeuj yied noix、laeb aen sugigu miz sing gvendaengz vah saujsu minzcuz、fanhoiz nem okbanj gij saw Cuengh Gun caemh miz、youq daengx gih doidoengh hong fanhoiz loegguh nem book gij cezmuz gvangjbo yingjsi vah minzcuz、bauj gij gienzleih vunz saujsu minzcuz aeu vah saw minzcuz ciepsouh gyauyuz、gyagiengz hong senhconz vah saw minzcuz、gyarengz guh ndei Swcigih Minzyijveij Vangjcan nem hong siusik. Gij neiyungz ndaw hanghmoeg neix cujyau miz diuyenz、lwncwng、yenzgiu、sijok《Gvangjsih Aen Gunghcoz Diuzli Gvendaengz Hong Vah Saw Saujsu Minzcuz》; caz gij vah saujsu minzcuz vunz yungh yied daeuj yied noix、soucomz、cingjleix、faencek、 bingzgyaq gij gvidingh daj 《Sawcuengh Fangh’an》 fatbouh daeuj hengz ndaej baenzlawz yiengh; bien《Bonj Gveihfan Sawcuengh》 nem coih ndei《Sawloih Sawcuengh》(banj daihngeih); cingjleix、comz bien、okbanj bonj sawson gvendaengz 20-25 geiz“Vahcuengh Sawcuengh gvangjbo yozya”、 yenzgiu baenz- lawz hawj gij gezgoj Vahcuengh Sawcuengh Suijbingz Gaujsi ndaej wngqyungh; gawjbanh beizyinbanh hawj vunz ndawbiengz hag Sawcuengh; youq gij meizdij daeuz de senhconz hong vah saw minzcuz; baengh cietgingq minzcuz senhconz gij faplwd fazgveih vah saw minzcuz nem gij cingzcik hong vah saw minzcuz; youq Minzyijveij Vangjcan hai aen lanzmuz“youq gwnz vangj hag Vahcuengh Sawcuengh” daengj.

(ciuq Swcigih Minzyijveij Vangj)