1、Gwn dang makcauj nding ndaej seng lwed.

Yenzliuh: Makcauj nding 15 aen cawz ngveih, 200 gwz haeuxfiengj, di dangznding ndeu.

Guhfap: Yungh raemxsaw swiq haeuxfiengj seuq cimq raemx 15 faen cung; dwk raemx swiq makcauj nding seuq, doeklaeng dawz song yiengh neix itheij dwk rek gya raemx cawj goenj le, gaij yungh feiznumq cawj 1 diemj cung, soeklaeng dwk dangz- nding heuz gwn.

Goengyauq: Aen dang neix dwg cungj dang yw bouj lwed ndeu, makcauj nding hamz miz veizswnghsu gig lai, mehdaiqndang lwedhaw gwn de ndaej bouj lwed. Danhseih mehmbwk dungx hawcaep mbouj ndaej gwn makcauj nding daiq lai.

2、Caz makcauj nding noh maknganx.

Yenzliuh: Makcauj nding 5 aen, bau begdangz ndeu, yawj gak boux amqbak gya roxnaeuz gemj.

Guhfap: Makcauj nding caeuq maknganx faenbied bok noh ok cawz ngveih ndei, caiq dwk raemxndat cimq 8 daengz 10 faen cung, doeklaeng dwk begdangz heuz gwn.

Goengyauq: Makcauj nding caeuq noh maknganx doiq boux yaem haw daeuj gangj, ndaej hwnj daengz bouj lwed ik heiq cozyung. Dangh- naeuz aen ndang mwngz dwg bien saujndat, wngdang noix gwn di, mienxndaej hwnjhuj. Danghnaeuz lauheiq hwnjhuj, ndaej dwk naed daengz song naed ceh gaeujgij roengzbae.

Gwn makcauj nding miz gimq- geih.

1、Mehmbwk dawzsaeg geizgan, mbangj mehmbwk rox okyienh da foeg roxnaeuz din foeg, cungj vunz neix couh mbouj hab gwn makcauj nding lo, aenvih makcauj nding feih diemz, gwn lai rox seng raemxmyaiz seng cumx, raemx cumx rom youq ndaw ndang, foegraemx couh engqgya youqgaenj.

2、Boux baenz aek ciengq mbouj hab gwn makcauj nding, mienxndaej seng cumx dimz youq, aek engq ciengq dwk youqgaenj.

3、Mehmbwk ndang saujndat dawzsaeg geizgan gwn makcauj nding, gojnwngz rox hawj lwedsaeg ok engq lai.

4、Boux baenz binghnyouhdangz ceiq ndei noix gwn makcauj nding, aenvih de hamz dangz lai, gwn lai rox hawj hezdangz swng sang, binghcingz engq haeujnaek.