Gij naemjfap Veiz Gozcingh neix, gvaqlaeng ndaej gij cangzveij dangjveij ndaw gih doxyaeng dingh le, baenz le aen sonyinx swhsiengj swcigih ceiqdingh giva “samhaj” gunghyez fuengmienh ndeu.

Youq Sanghaij fukcaz gvaq caemhcaiq doxyaeng ndei gij saeh senj cangj haenx le, Veiz Gozcingh cienj bae Hangzcouh laebdaeb liuz- yangj seiz, youh daiq Gyangh Bingzciuh daengj vunz bae daengz gizde ngonzyawj hagsib gouzging.

Seizhaenx, Hangzcouh doek nae hung dwk, daihgya bae ngonzyawj gunghcangj cungj rox nit, Veiz Goz- cingh cix ndwn youq gizde sijsaeq dingq cangjcangj caeuq canghcaix- hangz gaisau cingzgvang. Ginggvaq de caeuq Cezgyangh Swngjveij boux suhgi daeuzit Gyangh Vaz doxyaeng dingh le, Hangzcouh goj doengzeiq bang Guengjsae saek song aen cangj.

Veiz Gozcingh lij cingj Cez- gyangh gaisau gij gingniemh nungz- yez swnghcanj gyoengqde, sijsaeq cam gyoengqde ndaem ok haeuxgwn、ndaem gofoed、cauh ndoeng loegvaq daengj cingzgvang. De haemq haengj Cezgyangh bi ndaem song miuz, mouxcanj song cien gaen caeuq singz mbanj Hangzcouh cauh ndoeng loegvaq gij saeh neix, nyinhnaeuz gij gingniemh Cezgyangh guh hong nungzyez haenx, Guengjsae aeu hag.

Bi 1965 nienzdaej, Veiz Goz- cingh liuzyangj sat le dauqma Gvei- linz. De coengzlaiz cungj gvansim aensingz funghgingj gyaeundei seiq- gyaiq okmingz neix guh hong hwnjguh. Geij bi gonq, Gveilinz guh le gij gviveh hwnjguh aensingz, muengh swcigih hawj di ngaenz, hwnjguh Gveilinz baenz aensingz funghgingj lijyouz ndeu. De gig haenhdoengz gij naemjfap Gveilinz Si, de naeuz Gveilinz Siveij suhgi Vangz Yinz, seizneix Guengjsae lij mbouj miz baenzlai ngaenz, hoeng ndaej cingj cunghyangh bang, cingj Cunghnanzgiz dingjrengz. Gvaqlaeng, de lwnh hawj boux goengdaeuz faenguenj giva guekgya Lij Fucunh fucungjlij nyi le, cix ndaej le 100 fanh maenz; de youh lwnh hawj Dauz Cu nyi, youh ndaej le bae ngaenz ndeu. Gveilinz yungh gij ngaenz neix, guh ndei le Gamjluzdiznganz daengj geij aen gingjdiemj, bu le geij diuz roen, lij bae baujhoh le gij ndoengbei dieghenz Gamjcizsingh- yenz. De mbouj lau naiq, angq- fwngfwng youz le geij aen gingj- diemj neix, lij ngonz le gij huq nungzcanjbinj Gveilinz.

(caengz sat)