Bi’gvaq, Lingzyinz Yen ndaw yienh gungh miz Yihungz、Lozlouz daengj 7 aen yangh(cin) 29 aen cunh 58 aen mbanj 368 ranz nungzminz ndaem ien 10018 moux, ciemq gij yinvu baihgwnz anbaiz de 125.23%, ciemq gij menciz dajsuenq de 100.18%. Bi’gvaq daengx yienh doenghgij nungzhoh ndaem ien de sou nem gai ien 16125.713 rap, ndawde gij ien cunggaep nem gaugaep de ciemq daengz 84.79%, gai ndaej 1705.24 fanh maenz, bingzyaenz moix goenggaen 21.14 maenz, gyau sui 596.83 fanh maenz, ndawde sui mbaw ien 375.15 fanh maenz, sui cwnghcizsui 221.68 fanh maenz, doenghboux nungzminz ndaem ien gungh souhaeuj 2071.12 fanh maenz(baugvat boujdiep), ciemq gij yinvu ndaw yienh anbaiz(1800 fanh maenz) de 115.06%. Doengh- boux nungzminz ndaem ien moix hoh bingzyaenz souhaeuj 2.31 fanh maenz.

(Vangz Yenzyungz/黄元荣)