Geij ngoenz gonq, daengx gih doenghboux lauxsae son nyez haeujhag gaxgonq hag Cuengh Gun song saw vah de daihsam geiz beizyinbanh youq Gvangjsih Sawcuengh Yozyau hai ban, baez beizyinbanh neix youz Swcigih Gyauyuzdingh cawj- banh、Gvangjsih Sawcuengh Yozyau coenghbanh.

Baez beizyin neix cingj lauxhangz lwnhgangj sonhag、lauxsae ciennieb dangqnaj songyauq、lauxsae dang- ciengz yawjhag. Beizyin neiyungz cujyau miz gihcuj cihsiz Sawcuengh、doxbeij gij yijfaz Vahcuengh nem Vahgun、fuengfap fanhoiz Cuengh Gun、fuengfap sonhag Sawcuengh、yinhyoz minzcuz、meijsuz minzcuz、 dijyuz minzcuz daengj.

Youq duenh guh beizyin, daengxcungq yozyenz lij cienmonz bae Vujmingz Yen Gingloz Siujyoz Fusuz Youwzyenz bae dangciengz yawj gij hozdung sonhag.

Baez beizyin neix, gungh miz 110 lai vunz camgya, baugvat doenghboux lauxsae son nyez haeujhag gaxgonq hag Cuengh Gun song saw vah de daj gih raeuz ndaw yienh(si、gih) gij yozyau guh Cuengh Gun song saw vah sonhag de daeuj roxnaeuz daj gij youwzyenz ndaw yangh(cin) miz yozyau guh Cuengh Gun song saw vah sonhag de daeuj.

(Liz Houhan/黎厚汉 Banh Lezyingh/潘列英)