Baez daengz seizdoeng, mbwn nityauyau, hoengheiq hawqsauj, haujlai vunz dinfwngz cungj deng dekleg lo, daegbied dwg bouxlaux engq dwg dekleg youqgaenj. Aeu gyoijhom daeuj ceihyw ndaej yw ndei.

1、Aeu aen gyoijhom ndeu (yied cug yied ndei), moix haemh swiq seuq dinfwngz le nyaenj aeu di nohgyoij ndeu led giz dekleg, led 3 daengz 5 ngoenz couh ndeidingh.

2、Aeu aen gyoijhom cug daeuq ndeu, dwk nohgyoij roengz vanj bae, caiq aeu aen gaihswzlu(开塞露) ndeu ma nyaenj raemx de roengz vanj bae caeuq nohgyoij itheij gyaux yinz baenz naez bwh yungh. Yaek yungh seiz, sien swiq giz dekleg seuq uet hawq, caiq yungh nohgyoij led gizde le fanfoek nucat, ngoenz baez, lienz yungh 3 daengz 5 ngoenz couh ndeidingh.