Daj gou rox saeh doxdaeuj, yawj dung- vaben hix mbouj noix lo, ndawde benq dung- va《Mui Haeujok》ciengzseiz yinx gou bae naemj.

Daengz seizneix, gou vanzlij gyaez yawj《Mui Haeujok》. Daj canghraemjfaex—— Gvanghdouzgiengz haeuj ndaw ndoengfaex mwncup gyoengq doenghduz bae, gyoengq doenghduz couh hainduj gvaq gij saedceij mbouj an’onj lo. Gvanghdouzgiengz moix ngoenz cungj bae ndaw ndoengfaex raemj faex, gyoengq doenghduz cien fueng bak geiq laengz Gvanghdaeuzgiengz， mbouj hawj de raemx faex.

Miz baez ndeu, Gvanghdouzgiengz dingh le gaiq baengzraiz ndeu, cijaeu de dawz gaiq baengzraiz neix longz youq gwnz ndang, baujcingq bouxwnq yawj mbouj raen de. Ngoenz ndeu banhaet, Gvanghdouzgiengz longz gaiq baengzraiz bae raemj faex lo, de raemj go youh go, benq faex couh yaek deng de raemj caez lo. Muilaux、Muingeih gaenjgip daeuj laengz, hoeng gyoengqde cij yawjraen baenz benq faex hung laemx roengz, cix yawj mbouj raen ngaeuz Gvanghdouzgiengz. Muilaux、Muingeiz gig ngeiz: Gvangh- douzgiengz bae gizlawz lone? Gyoengqde dauqcawq bae ra Gvanghdouzgiengz. Gvanghdouzgiengz cix ndoj youq laj gaiq baengzraiz caeg riu: Muima huk deng gou yaeuh luba, caj sou byaij lo, gou lij raemj faex fatcaiz ne? Gvaq le gig nanz, Muilaux coengmingz dauqdaej fatyienh gij mimiz Gvanghdaeujgiengz lo: Laxlawz Gvanghdouz- giengz yungh baengzraiz goemq gyaeuj, hawj vunz yawj mbouj raen de. Vihliux baujhoh aenranz gyoengq doenghduz, Muilaux siengj ok aen banhfap he daeuj doiqfouq Gvanghdouzgiengz: Banhaemh Muilaux swnh Gvanghdouzgiengz ninzndaek le, dawz dangzrwi cat youq gwnz gaiq baengzraiz. Ngoenz daihngeih, Gvanghdouzgiengz yungh fuengfap doxdoengz bae raemj faex seiz, couh yinx daeuj haujlai duzrwi humx aen’gyaeuj Gvanghdouzgiengz luenh ndat, in ndaej Gvanghdouzgiengz youq gwnz deih ringx bae ringx dauq. Muilaux、Muingeih youq henz bekfwngz hemq ndei, caen dwg vunz rwix miz rwix bauq ha.

Dang gou youh yawj daengz gyoengq doenghduz youq ndaw ndoengfaex mwncup vaiqvued gvaq saedceij seiz, gou vihneix sim- angq, engq boiqfug Muilaux、Muingeih vih baujhoh ranz swhgeij bae roengzrengz siengj banhfap.

Moix baez gou yawjraen faex hung deng raemj, go’nywj dengj caij, gou lumjnaeuz dingqnyi go’nywj caeuq gofaex cingq doiq gyoengqvunz gangjlwnh gij funghcaij gaxgonq caeuq siengsim ngoenzneix gyoengqde.

Hawj raeuz lumj duzmui nei caez daeuj baujhoh gofaex, baujhoh vanzging, baujhoh ranzmbanj gyaeundei raeuz ba!

（指导老师：罗少维）