Goek bingh binghcienzlah conghsaej, dwg gij haex caeuq daihliengh sigin vunzbingh nem goekbingh rueg ok haenx. Daj ndaw ndang baiz okdaeuj le, danghnaeuz mbouj haeujsim siudoeg cawqleix, couh rox uqlah seiqhenz vanzging caeuq goek- raemx、 gijgwn daengj.

Binghcienzlah conghsaej cienzboq fuengsik dwg ginggvaq raemx、gijgwn、bungqdeng、nonnengz daengj daeuj cienzboq. Linzcangz yienghsiengq cujyau miz rubmyaiz、rueg ok、dungx in、dungxsiq、mbouj ngah gwn doxgaiq, mbangj lij buenx miz fatndat、gyaeuj in caeuq daengx ndang dengdoeg daengj yiengh- siengq. Ciengz raen binghcienzlah conghsaej miz gyazhingz bingh- doegsingq ganhyenz, lwgnyez 15 bi dauqlaj yungzheih ndaej bingh, itbuen binghcingz haemq mbaeu, bingzyaenz geizgaenzgaeq dwg 30 ngoenz. Ganjyenj le caeuxgeiz rengz naiq、mbouj ngah gwn doxgaiq、rubmyaiz、mbwq youz- nywnx、duenh aek baihgvaz aen- daep inyebyeb, daih’iek gvaq aen singhgiz ndeu le, mizmbangj vunzbingh saek nyouh lumj raemxcaz nei, lwgda hau、naengnoh henj. Raen miz cungj cingzgvang neix seiz, wng gibseiz bae yihyen genjcaz aeu yw. Si’ginsing dungx- siq dwg cungj bingh gipsingq binghcienzlah conghsaej ciengz- raen youz cihosw licizganjgin yinxhwnj ndeu, linzcangz biujyienh cujyau dwg fatndat、dungx in、dungxsiq daengj. Siginsing gijgwn dengdoeg dwg gwn le gijgwn deng sigin uqlah yinxhwnj baenz gipsingq binghcienzlah conghsaej, moix bi seizhah dwg siginsing gijgwn dengdoeg geiz ceiq hoengh. Dingzlai dwg youq sizdangz hagdangz、fanden daengj giz cizcungh gwn haeux haenx fatseng, fatbingh seizgan haemq cizcungh.

Yawhfuengz binghcienzlah conghsaej gvanhgen dwg guh ndei “sam guenj it mied”(guenjleix ndei gwnndoet veiswngh、gwn raemx veiswngh、haexnyouh veiswngh caeuq mied nengz), gaem ndei aen gvan bingh daj bak haeuj. Youq guh ndei seiqhenz veiswngh、ndawranz veiswngh caeuq boux- vunz veiswngh doengzseiz, lij aeu haeujsim gwnndoet veiswngh dem.