Bonjbauq siusik(gicej Veiz Yennaz/韦愿娜) Vihliux fazcanj caeuq fanzyungz vwnzva hawfwen vangjloz Bouxcuengh, doidoengh gij hong gohyenz cwngzgoj seveiva caeuq sevei gohyoz gohbuj, 12 nyied 19 hauh, Gvangjsih Minzcuz Fazcanj Yenzgiuvei、 Gvangjsih Segohyen Gohyenzcu、Gvangjsih Segohyen Minzcuz Yenzgiusoj lienzhab youq Nanzningz hai Aen Hoih《Hawfwen Vangjloz Boux- cuengh Yenzgiu》 Cwngzgoj Baugau Nem Hawfwen Vangjloz Yenzdauj. Gvangjsih Vwnzlenz、Gvangjsih Minzcuz Dayoz、Gangjsih Dayoz、 Gvangjsih Segohyen、Gvangjsih Segohlenz、 Gvangjsih Sanhgoh Hezvei daengj mizgven lingjdauj、boux lauxhangz gyausou caeuq canghfwen gungh 60 vunz camgya aenhoih.

Gvangjsih Minzcuz Fazcanj Yenzgiuvei misuhcangj、Gvangjsih Segohyen Minzcuz Yenzgiusoj fuyenzgiuyenz Yangz Canghyungz daibyauj cujgoqdaez guh daezmoeg dwg《Hawfwen Vangjloz Bouxcuengh Yenzgiu》cwngzgoj baugau.

Hawfwen vangjloz Bouxcuengh dwg ginzcung Bouxcuengh caux ok gij cwngzgoj moq Fwencuengh vwnzva, de youq gij giekdaej conzdungj Fwencuengh gwnzde, yungh gisongih vangjloz bingzdaiz, daeuj eu fwen doiq fwen, gig miz seizdaih daegdiemj. Neiyungz de miz fwenyoux、fwen angqhoh、fwen guhhong、fwen gyaudoeng gveihcwz、fwen gohbuj、fwen giva senglwg daengj, caeuq neiyungz fwen conzdungj Bouxcuengh ityiengh.

Rag hawfwen vangjloz Bouxcuengh maj youq gwnz dieg Mbanjcuengh, gig miz minzcuz daegsaek caeuq deihfueng daegsaek. Fazcanj caeuq fanzyungz vwnzva hawfwen vangjloz Bouxcuengh, doiq lozsiz 《Gij Gietdingh Lai Aen Vwndiz Cunghgung Cunghyangh Gvendaengz Gyalaeg Vwnzva Dijci Gaijgwz Doidoengh Seveicujyi Vwnzva Fazcanj Hung Fanzyungz Hoengh》neix, doiq gensez Gvangjsih minzcuz vwnzva dieg ak aen canloz muzbyauh neix, gig miz cung’yau yienhsaed yiyi caeuq lijlun yiyi.