Yungzanh Yen Yungzanh Gauhcungh vihliux engq ndei gvancez 《Guekgya Gihcuj Gyauyuz Gocwngz Gaijgwz Ganghyau》, cienzmienh doicaenh bujdungh gauhcungh gocwngz gaijgwz, genhciz aen yenzcwz cienzciep caeuq cauxmoq doxgiethab, gaengawq seizneix gyauyuz fazcanj yauhgiuz, yawjnaek hagseng cauxmoq naengzlig caeuq sizcenj naengzlig, doengzseiz, daj bonjdieg saedsaeh bae guh, coihgaij roxnaeuz biensij gij gocwngz fueng’anq caeuq gyaucaiz miz seizdaih daegdiemj、hab hagdangz banh hag daegsaek haenx, leihyungh gij gocwngz swhyenz seizneix, sonyinx hagseng hag damqcaz、lai caeuq doengzhag lauxsae gyauhliuz, beiz- yangj hagseng damqcaz naengzlig, daezsang hagseng gohyoz suyangj,coicaenh hagseng cienzmienh fazcanj.

Ginggvaq bi lai damqra、siz- cenj, Yungzanh Gauhcungh yaubwnj gocwngz haifat nangqdaengz 8 aen yozgoh 30 monz gocwngz, gocwngz hamz dwzyuz fazgveih、ndangdaej cangq、yinzvwnz suyangj、gohyoz suyangj、yisuz siuhyangj、saenqsik gisuz、swnghag fujdauj、swnghhoz ginwngz daengj. Yaubwnj gocwngz neiyungz lai, gaenh saedsaeh, gig ndaej daengz saeseng maijgyaez.

(Veiz Cujswz Yangz Mingzfwnh /韦祖祠 杨明芬)