Caz duh:

Boiqliuh: Aeu 30 gwz duhheu, 9 gwz mbawcaz, di begdangz ndeu.

Guh fap: Mbawcaz yungh baengzsa suek ndei, caeuq duhheu caemhdoih dwk raemx ngauzcawj, daengz duhheu cug seiz, vez mbawcaz hwnj le dwk begdangz roengzbae.

Yungh fap: Swnh ndat gwn roengzbae, ndaej baez dog gwn liux roxnaeuz baen guh geij baez gwn.

Goengyauq: Duhheu diemzcaep, siu ndat gej doeg, ndaej yw hwnj dok fatsa siu doeg ndat, gya mbawcaz ndaej leih nyouh, begdangz siu ndat, ndaej yw dwgliengz、conghhoz in ndat, ok nyouh mbouj swnh roxnaeuz giem ok nyouh insep.

Cuk mbaw byaekhom- nyaeuq:

Boiqliuh: 15 gwz mbaw byaek- homnyaeuq, 60 gwz haeuxsuen, habliengh dangznae.

Guh fap: Sien baek mbaw byaekhomnyaeuq raenz aeu raemx de langh liengz, haeuxsuen gya raemx aeuq cuk, cuk cug seiz ndingq raemx byaekhomnyaeuq roengz, dwk dangznae couh baenz gwn.

Yungh fap: Langh raeujremq seiz gwn, ok hanh engq ndei.

Goengyauq: Byaekhomnyaeuq ndaej sanq ndat, gya haeuxsuen、dangznae cawj cuk gwn, ndaej coi ok hanh, youh ndaej hoh dungx. Boux baenz dungx in、rumzndat dwgliengz ceiq hab gwn.

Maklaeq aeuq nohmou cing:

Boiqliuh: 500 gwz nohmou cing, 300 gwz maklaeq, di coeng caeuq hing he, liuhlaeuj、begdangz、ciengqyouz gak di ndeu.

Guh fap: Ronq nohmou cing baenz gaiq iq, maklaeq bok gvamq ndei. Dwk youz roengz rek, caeuq begdangz cauj baenz henjnding, dwk ciengqyouz le caiq dwk nohmou cing、maklaeq、coeng、hing、liuhlaeuj roengz caez cawj daengz noh unq couh baenz gwn.

Goengyauq: Ndaej nyinh bwt vaq myaiz、bouj mak cangq mamx.

Dang conhbei makleizsez- liz:

Boiqliuh: 2 aen makleizsezliz, 4 gwz conhbei, 75 gwz dangznae.

Guh fap: Dat naeng mak- leizsezliz caemhcaiq cawz ngveih, cab baenz gaiq iq dwk roengz ndaw vanjhung bae, dwk conhbei、dangznae caeuq 150 gwz raemxsaw, hai feiz coemh goenj, gek raemx naengj 1 diemj cung le langh raeujremq gwn.

Goengyauq: Nyinh bwt dingz ae, siu ndat vaq myaiz.