12 nyied 2 hauh, Cauhbingz Yen Senhveiz Yauzcuz Yangh Mbanjmauzbingz, gyoengq boux canghnyib laux nyib gaiqdaenj Yauzcuz haenx cingq nyaengq dwk son gyoengq bouxcoz hag nyib gaiqdaenj Yauzcuz. Gaiqdaenj Yauzcuz lizsij gyaenanz, dwg Yauzcuz vwnzva yisuz ndawde aen bouhfaenh ndeu. Aendoz gwnz gaiqdaenj Yauzcuz miz minzcuz vwnzva lizsij daegsaek gig ronghsien, cien bak bi daeuj, gij gaiqdaenj de lij baujciz le yienghceij lai、loegloeg vava、aendoz geqnanz、dinfwngz ndei gij minzcuz daegdiemj neix. Gaenh bi daeuj, dangdieg cwngfuj gya rengz cienzciep caeuq baujhoh Yauzcuz conzdungj gaiqdaenj、dajsiuq dinfwngz, beizyin boux ak nyib gaiqdaenj conzdungj Yauzcuz, dawz dinfwngz guh gaiqdaenj Yauzcuz daihdaih cienz roengzbae. 2006 nienz 6 nyied, Hocouh gaiqdaenj Yauzcuz gaenq ndaej liedhaeuj buek daih’it guekgya feihvuzciz vwnzva yizcanj.(Liuz Feih/ 刘飞)