11 nyied 28 hauh, Gveigangj Si Cinzdangz Gih Cuengh Gun song sawvah sonhag hagdangz haiguh “Cib Aen It” caizyi baijyienj hozdung. Cinzdangz gih gyauyuzgiz mizgven lingjdauj、song sawvah hagdangz boux fucwzyinz caeuq hagseng 600 lai vunz daeuj camgya hozdung.

Youq ndaw sam diemj lai cung baijyienj ndaw de, gij cezmuz ndeiyawj ndeiriu de lai raicaix, bouxyawj yawj ndaej gig maez gig angq. Miz Fwen doxduenz、miz foux faexsaux、foux minzcuz、miz daengxgyoengq ciengq、miz bouxdog ciengq…… cezmuz ndeiyawj aen lienz aen, yienj ok gij daegsaek gak aen hagdangz, yienj ok gij cingzgoj hong yisuz song sawvah hagdang.

Cinzdangz gih haiguh “Cib Aen It” hozdung neiyungz dwg “ gangj aen goj ndeu, boih hot sei ndeu, ciengq diuz go ndeu, diuq aen foux ndeu, danz diuz yozgiz ndeu, guh aen soujgungh cozbinj ndeu, veh fuk veh ndeu, sij fuk cihsaw ndeu, ingj mbaw siengq dieggyaeu ndeu, byaujyenj cungj gigiuj dijyuz ndeu”, guhdaengz “moix aen hagd angz cungj miz hozdung, moix boux vunz cungj aeu guhfaenh”, cauxbaenz gij daegsaek yisuz caeuq gij heiqfaenh dijyuz vwnzva naekna de.