“Cibbet” daihhoih hai hoenghhwd,

“Gyaciz haedsim” daez ndaej sang.

Geizhoengz dangj raeuz mbinyangyang,

Cauxguh “siujgangh” rengz engq

haenq.

“Cungguek daegsaek” daihloh gvangq,

Beixnuengx doxbang bae riengjret.

“Cibbet” daihhoih hai hoenghhwd,

“Gyaciz haedsim” daez ndaej sang.

Mbouj lau hojnanz mbouj doeknaiq,

Gaijgwz hailangh yamq hwnj sang.

Geizhoengz dangj raeuz mbinyangyang,

Cauxguh “siujgangh” rengz engq

haenq.

Daengx guek gienzleih yinzminz gaem,

Daengx biengz nazdaemz yinzminz

guenj.

Sevei cujyi fanhdaih cuenz(cienz),

Yinzminz ciengxlwenx riengz dangj

byaij.

“Sam aen byahung” ap gwnz gyaeuj,

Dangj daiq vunzraeuz dwk de laemx;

Daengx guek gienzleih yinzminz gaem,

Ndawbiengz nazdaemz yinzminz guenj.

Saedhengz minzcuj ndei lumj va,

Guhcawj danggya sim mbouj luenh;

Sevei cujyi fanhdaih cuenz(cienz),

Yinzminz ciengxlwenx riengz dangj

byaij.

Ginghci gensez gauj ndaej haenq,

Lwgminz baenz fouq guek cix giengz.

Minz fouq guek giengz baengh

hailangh,

Huzndei vwnzmingz angqyangyang.

Goengqbya hungmbwk ndoengfaex

nyaengq,

Laeuz sang daengjsoek giekdaej

maenh.

Ginghci gensez gauj ndaej haenq,

Lwgminz baenzfouq guek cix giengz.

Miuz maij daengngoenz bya maij dah,

Saedceij ndeigvaq docih dangj.

Minz fouq guek giengz baengh

hailangh,

Huzndei vwnzmingz angqyangyang.

Gofaex goek laeg maj ndaej mwn,

Gaiqnaz biu rum riengzhaeux menj.

Swyouz bingzdaengj ndaej fap hen,

Guekcoj gensez ngoenzngoenz moq.

Laeb fap goengbingz youh goengcingq,

Ndaw biengz anningz yienghyiengh

swnh.

Gofaex goek laeg maj ndaej mwn,

Gaiqnaz biu rum riengzhaeux menj.

Gaeb dam gaeb caeg gaeb vunzvaih,

Mbouj sawj fujbai miz dieg benz.

Swyouz bingzdaengj ndaej fap hen,

Guekcoj gensez ngoenzngoenz moq.

Guhvunz simsoh youh soujsaenq,

Ndei rwix doxfaen gaej moengjdoengj.

Doxgingq doxndei lumj beixnuengx,

Guekcoj hwnghuengh ndei seizdaih.

Aen gyoij duengh go doengz diuz sim

Diem dieg go rum nanz ra gaenh.

Guhvunz simsoh youh soujsaenq,

Ndei rwix doxfaen gaej moengjdoengj.

Doxhangz doxnyoeg nanz doxdoeng,

Mbouj miz hwnjroengz baenz diuz

luengq.

Doxgingq doxndei lumj beixnuengx,

Guekcoj hwnghuengh ndei seizdaih.

Dangj dwg daengdap yinx byaij loh,

Sai mbwk laux coz gaen dangj byaij.

Sevei cujyi va mbouj baih,

“Gyaciz haedsim” daiq baenaj.

Ruz youz daihhaij cungj dawz haenz,

Daengngoenz hwnj ranz va’gveiz coh.

Dangj dwg daengdap yinx byaij loh,

Sai mbwk laux coz gaen dangj byaij.

“Cibbet” daihoih hai ndaej ndei,

Caux aen fungheiq ndei seizdaih.

Sevei cujyi va mbouj baih,

“Gyaciz haedsim” daiq baenaj.